НИШАСТИ МАТБУОТИИ МАҚОМОТИ ВАКОЛАТДОР ОИД БА ҲУҚУҚИ ИНСОН ДАР ҶУМҲУРИИ ТОҶИКИСТОН БАРГУЗОР ГАРДИД

Санаи 16 июли соли 2026 нишасти матбуотии мақомоти Ваколатдор оид ба ҳуқуқи инсон дар Ҷумҳурии Тоҷикистон оид ба фаъолияти мақомот дар нимсолаи якуми соли 2026 баргузор гардид.

Дар нишасти матбуотӣ Ваколатдор оид ба ҳуқуқи инсон дар Ҷумҳурии Тоҷикистон Умед Бобозода, муовини Ваколатдор оид ба ҳуқуқи инсон –Ваколатдор оид ба ҳуқуқи кӯдак дар Ҷумҳурии Тоҷикистон Муқимӣ Нигора, инчунин, намояндаи Ҳукумати Ҷумҳурии Тоҷикистон, сардори Раёсати кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон Орзузода Фирӯз, сардорони шуъбаҳо, мудирони бахшҳои мақомот ва беш аз 20 нафар намояндаи васоити ахбори омма иштирок намуданд.

Дар нишаст аз ҷониби намояндагони васоити ахбори омма саволҳои зиёд пешниҳод гардид, ки ба ҳар кадоми он роҳбарият ва масъулини мақомоти Ваколатдор оид ба ҳуқуқи инсон дар Ҷумҳурии Тоҷикистон посухҳои мушаххас доданд.